Documentación n’asturianu

SPIP ye un sistema d’espublizamientu pa Internet empobináu a un funcionamientu en comuña, al multillingüismu y a la facilidá nel so emplegu. Ye un programa llibre, distribuyíu so la llicencia GNU/GPL. Poro, pue utilizase’n toa triba de sitios d’Internet, asociativos o d’instituciones, personales o d’empreses.

SPIP desarróllase (programación, documentación, torna, etc.) y utilízase por una comuña de persones a la que cualquiera ta convidáu a xuntase (o a ponese’n contautu) en distintos sitios Web, llistes de discutiniu per corréu y alcuentros (nomaos «Apéros-SPIP»).

Web independiente

El programa nació nel añu 2001 por aciu del minirézo, un coleutivu que defiende la Web independiente y la llibertá d’espresión n’Internet. Actualmente utilízase en decenes de miles de sitios Web enforma distintos. Esti sitiu contién la documentación oficial.